jueves, 5 de mayo de 2016

O Monstro das cores quere xogar contigo, apúntaste?

Si! Imos xogar co noso amigo o Monstro!

Tiñamos decidido que queriamos traballar todas as emocións que se plasmaban no libro do monstro pero, unha das premisas deste traballo era a conexión de todas as actividades entre si. A nosa maior dificultade foi cumprir esta condición xa que non eramos capaces  de encontrar o modo de que todas as tarefas tivesen un fío común.
Despois de moito cavilar pensamos que unha forma divertida, distinta e innovadora era xuntalas todas elas nun GRAN TABOLEIRO e deixariamos a sorte que fixese o seu traballo.

Os obxectivos escollidos por nós foron...

  • Adquirir mellor coñecemento das propias emocións.
  • Identificar as emocións nos demais.
  • Desenvolver a habilidade de controlar as propias emocións.
  • Previr os efectos prexudiciais das emocións negativas.
  • Adoptar unha actitude positiva ante a vida.
  • Potenciar a capacidade para ser feliz.
  • Desenvolver a capacidade de controlar o estrés, ansiedade e estados depresivos.
  • Mellorar o traballo en equipo na aula.
Actividades:

A  oca das emocións

Antes de comezar con esta rutina, contaremos o álbum ilustrado Monstro de Cores e falaremos na asemblea o que saben de cada unha das emocións do libro. Na Oca das Emocións viaxaremos polos diferentes mundos que nos farán experimentar diferentes sensacións.
Unha vez lido o conto, elaborarase un gran taboleiro en papel continuo no que aparecerán as imaxes e as cores que representa cada emoción (como podemos ver na fotografía adxunta), e un dado cos números correspondentes ata o seis.

Exemplo para a realización da oca en tamaño real


Taboleiro da oca que nós mesmos realizamos para a presentación desta actividade







Cada semana durante todo o curso, o encargado do día tirará o dado e segundo o número que saia desprazarase ata o recadro correspondente. A continuación mostramos un exemplo de actividades para cada unha das emocións. Cabe destacar que no momento no que se repita a cor, a actividade será diferente.  
Neste caso, comezamos esta viaxe na cor negra, que representa o medo.


Caixa dos medos

Materiais

  • Caixa
  • Elementos que os asusten: arañas, avespas, a escuridade, os monstros, os pesadelos, pelexas, golpearse,...
  • Cores e materiais para personalizar.

Agrupamentos

Participará todo o grupo clase e cada un falará do seu medo individualmente.

Temporalización

30-40 minutos

Desenvolvemento:

Antes de comezar esta actividade, falaremos co alumnado sobre que é o medo e como nos sentimos cando aparece.

Cada neno, debuxará ou intentará escribir nun papel o medo que sinte e o introducirá na caixa.
Cos ollos pechados, o alumnado irá sacando un dos papeis da caixa e preguntará a quen lle da medo; por exemplo a escuridade, e cada un irá explicando porqué lles produce ese sentimento. Deste xeito, falarán eles mesmos sobre os medos e poderemos observar nas súas expresións o sentimento que lles produce ese pensamento.
Ademais desta actividade, sobre o medo poderemos facer outras como: un boneco Sacapenas, un “atrapasoños” ou un labirinto dos medos.

A nosa caixa dos medos












Buscando as emocións

Materiais

  • Dous caldeiros, un vermello e outro verde.
  • Debuxos con situacións que representen as diferentes emocións.

Agrupamentos

Dous grupos. Un que represente a calma (cor verde) e outro o enfado (cor vermella).


Temporalización

30 minutos

Desenvolvemento

Nesta actividade dividiremos ao alumnado en dous grupos diferentes e colocaremos pola aula imaxes representando a calma e o enfado. Unha vez feito isto, asignaremos a cada grupo unha das cores para que saiban cal é a emoción que lles corresponde buscar e comezarán a xogar.
O grupo verde deberá buscar as imaxes que representen calma coma por exemplo unha nena regando as plantas ou un neno descansando. Pola contra, o grupo vermello deberá buscar as fotografías sobre o enfado coma o lume, un neno con mala cara ou unha nai rifando co seu fillo.
As que correspondan a súa cor deberán levalas ao caldeiro asignado e o final do xogo mirará a mestra se as imaxes están colocadas correctamente no seu sitio.
Con estas emocións podemos realizar outras moitas actividades coma exercicios de relaxación, xogos para expulsar a ira ou xogos de boxeo.

Imaxes que representan como sería o xogo dentro da aula:






 A música da alegría

Recursos

  • A voz e o corpo dos nenos e nenas

Agrupamentos

Todo o grupo en conxunto

Temporalización

20 minutos

Desenvolvemento

Nun corro, a mestra presentará aos nenos unha canción de elaboración propia, cantaralla varias veces ó alumnado e cando xa a teñan aprendida, mostraralles os movementos que teñen que facer mentres cantan a canción.
Con esta actividade introducirémolos no mundo da música e da expresión corporal.

Letra:



As agachadas ao revés

Recursos

  • Espazo de xogo aberto

Agrupamentos

Todo o grupo clase

Temporalización

25-30 minutos

Desenvolvemento

A mestra escolle a un neno ou nena e os demais deben buscalo. Cando un alumno ou alumna atopa ao que estaba agochado deben ir uníndose progresivamente a ele sen que os demais se decaten para finalmente quedar escondidos xuntos. Desta maneira o primeiro que se sentía so e triste, cando todos os seus compañeiros van chegando a xunto de el comeza a desaparecer ese sentimento de tristeza.

Imaxe representativa, realizada con power point, para unha mellor explicación do xogo



Ollos pechados cara o amor

Materiais
  • Antefaces para tapar os ollos
  • Música lenta-romántica
  • Brazos abertos para unha gran aperta

Agrupamentos

Todo o grupo clase

Temporalización

20 minutos

Desenvolvemento

Nesta actividade, os nenos e nenas terán os ollos pechados baixo un anteface e moveranse por un espazo delimitado no que terán que atopar una parella a través dunha aperta
É un xogo simple e moi común mais será unha boa idea para que traballen na aula de psicomotricidade e poidan aprender a buscar unha persoa a que darlle unha aperta sen ter que ir sempre cara o compañeiro ou compañeira coa que teñan máis afinidade.
Ademais, pode axudar a enlazar a actividade co final do noso álbum ilustrado onde o protagonista, o Monstro de cores, se namora da nena que lle axudou a dar sentido as súas emocións.

Representación da figura dos nenos e nenas durante o xogo



Avaliación


Proposta de avaliación                                 
SI
NO
Identifican as emocións


  • Medo


  • Tristeza


  • Alegría


  • Calma


  • Enfado


  • Amor


Son capaces de expresarse segundo o que sintan en cada momento


Son capaces de sentir empatía e poñerse no lugar do outro


Tiveron unha actitude positiva ante a realización das actividades


Serviu para fomentar o traballo colaboracionista na aula


Superaron os posibles medos as emocións “negativas”


lunes, 25 de abril de 2016

Con qué álbumes podemos descubrir as emocións?


A obra coa que estamos a traballar é o Monstro de cores e hoxe, imos facer unha viaxe por outras obras relacionadas coa temática desta mesma.

En primeiro lugar, faremos unha listaxe dos libros que eliximos e logo, seleccionamos algúns deles para presentar dunha forma un pouco máis extensa o seu contido.





Listaxe de libros relacionados co Monstro de cores


  • Abad, A. &Pacheco, G. (2010). Taller de corazóns. Pontevedra: OQO.
  • Balada, M. & Boatella, P. (2013) Un rey muy testarudo. Vilanova i la Geltrú (BCN) Carambuco.
  • Balnes, S. & Lyona (2011). Yo mataré monstruos por ti. Madrid: Principal de los libros.
  • Bauer, J. (2015). Madrechillona. Salamanca: Lóguez Ediciones.
  • Bowlwy, T. & Baladan, A. (2013). Teño medo! Pontevedra: OQO.
  • Bonameau, I. &Ichikawa, S. (2010). ¡A la cama monstruos! Barcelona: Corimbo.
  • Cali, D. & Lotti, A. (2016). Cuando un elefante se enamora. Madrid: Anaya Infantil Juvenil.
  • Campanari, J. & Olmos, R. (2014). Sígueme! (unha historia de amor que non ten nada de raro). Pontevedra: OQO.
  • Carbonell, P. & Gómez, C. (2011). Un can e un gato. Pontevedra: OQO.
  • Casalderrey, F. & Lima, T. (2009). Fiz, o coleccionista de medos. Pontevedra: OQO.
  • Chaundler, R. & carvalho, B. (2008). Macario Dromedario. Pontevedra: OQO.
  • Copons, J. (2015) Tristania Imperial. Barcelona: Babulinka Libros.
  • Fortes, A. & Concejo, J. (2008). Fume. Pontevedra: OQO.
  • Gómez Redondo, S. & Aparicio Catalá, A. (2014) Rabietas. Barcelona: Takatuka.
  • Gravett, E. (2010) O gran libro dos medos do rato pequeno. Vigo: Patas de Peixe.
  • Liao, J. (2010).El pez que sonreía. Cádiz:Barbara Fiore.
  • Mariano Plaza, E. & Gutiérrez Serna, M. (2010). Recetas de lluvia y azúcar. Barcelona: Thule.
  • Martínez, R. (2005). Gato Guille e os monstros.
  • Mazo del, M. & Konstantinov, V. (2011). A min non me comas! Pontevedra: OQO.
  • Mejuto, E. & Pacheco, G.  (2007). Tres desexos. Pontevedra: OQO.
  • Monloubou, L. (2013). Mimi “Tomatito”. Barcelona: Cubilete.
  • Moscada, N. & Fatti, C. (2008). Soidades. Pontevedra: OQO.
  • Núñez, M. & Cimatoribus, A. (2005). Rato Tom e rata Tomasa. Pontevedra: OQO.
  • Núñez Pereira, C.  et al (2013).Emocionario. Valencia: Palabras aladas.
  • Prieto, I. (2006). Sal e azucre. Pontevedra: OQO.
  • Quintero, A. & Somá, M. (2013). Non fai falta a voz. Pontevedra: OQO.
  • Quintiá, X. &Quarello, M. A. C. (2007). Titiritesa. Pontevedra: OQO.
  • Sauermann, M. & Heidschötter, U. (2013). El niño y la bestia. Barcelona: Obelisco.
  • Vere, E. (2012). ¡A dormir monstruos! Barcelona:  Juventud.
  • Witek, J. & Toussey, C. (2015). Mis pequeños miedos. Barcelona: Bruño.



Os libros escollidos foron...


O gran libro dos medos do rato pequeno

Gravett, E. (2010). O gran libro dos medos do rato pequeno. Vigo: Patas de Peixe.



Neste libro poderán poñerlle nome a todas as fobias e medos que fan que unha persoa se sinta pequena. Ademais, neste libro existen moitos espazos en branco para que escribas, debuxes ou plasmes os teus medos no papel.
As ilustracións son moi representativas dos medos que está describindo. Utiliza cores escuras para ilustrar as fobias.
Cremos que é un libro moi interesante para representar os medos que senten e, ademais plasmar no papel que todo o mundo lle ten medo a algo e que pode haber unha solución para poder afrontar eses medos e que non nos impidan facer cousas.


Un can e un gato

Carbonell, P. & Gómez, C. (2011). Un can e un gato. Pontevedra: OQO.



 A través de ilustracións con cores pasteis sobre fondo branco para que resalten, un can e un gato moi peculiares, sofren diferentes situacións que porán a proba os seus sentimentos. 
Dous animais moi diferentes que non se entenden pero xogan xuntos e divírtense, ata que xorden problemas e enfádanse e volven a xogar. A través de dous animais que sempre supuxemos que se teñen que levar mal, mostra as emocións e reaccións derivadas das relacións entre amigos.
Esta obra é moi interesante xa que a través dunha historia moi sinxela mostra os conflitos que poden xurdir e os posibles sentimentos que estas desatan. Trata dende situacións cotiás, moitos estados de ánimo que aparecen cada día na vida na aula: enfados, alegría, cariño, frustración,...


Sal e azucre

Prieto, I. (2006). Sal e azucre. Pontevedra: OQO.



Esta obra pareceunos moi interesante xa que retrata a historia de dous velliños (sal e azucre) mostrando os seus sentimentos a través da metáfora doce e salgada do mesmo, xa que uns días queríanse e outros levábanse moi mal.
Ademais de tratar emocións difíciles de explicar, utiliza outro tipo de representacións en tres dimensións que fan que participemos máis na historia.
Mesturando a fotografía e a escultura estes personaxes parecen sair do libro, e o autor mostra experiencias difíciles de mostrar como son a dor pola separación, a necesidade de afecto.  As cores que utiliza para os decorados son chamativas para resaltar as figuras dos protagonistas, que retrata aos dous velliños dunha maneira máis vangardista.


Rato Tom e rata Tomasa

Núñez, M. & Cimatoribus, A. (2005). Rato Tom e Rata Tomasa. Pontevedra: OQO.



Neste álbum retrátase moi ben a amizade, a tristeza pola perda dun ser querido e a alegría ao recuperalo. Nel os dous ratiños son amigos e celebran con viño e touciño ata que Tom caeu redondo do bidón. Tomasa saíu vestida de loito da casa e contoulle a desgraza á cociñeira e esta á ola e todo o mundo se entristeceu coa nova. É  unha historia moi triste encadeada que remata con final feliz e todos recuperan a alegría.
Pareceunos interesante xa que trata a triste noticia da perda dun ser querido con humor, xogando coa rima e a repetición.  A través de ilustracións cor pasteis con formas moi xeométricas retratan a historia con afecto e entusiasmo.


El pez que sonreía

Liao, J. (2010).El pez que siempre sonríe. Cádiz:Barbara Fiore.



A través de ilustracións  de acuarelas nas que predomina a cor azul, o autor móstranos que a pesar de que o peixe tiña un sorriso para facer que fora feliz, non era así xa que non era libre.
Mostra a tristeza dunha persoa que se apoia nun pequeno animal para mitigala. Pensa que a través do sorriso do peixe acadará a súa felicidade pero nos soños dáse conta de que non lle pode dar o que el non consegue.
Pensamos que mostra valores humanos e sentimentos a través dos soños e da amizade dun animal e unha persoa.


Monstruo triste, monstruo feliz

Miranda, A. e Emberley, E. (2009). Monstruo triste, monstruo feliz. A Coruña: Editorial Océano.


O álbum ilustrado titulado “Monstruo triste, monstruo feliz” é un libro cunha gran relación co conto que temos elixido no noso blog. Non soamente polas emocións as que nos achega se non porque o protagonista, é o mesmo, un monstruo.
Inclúe unhas máscaras para que os nenos e nenas poidan xogar co protagonista do libro, mais tamén nos fai unha conexión coas emocións e cores que reflexa o Monstro das cores.
A cor amarela reflexa a felicidade, a vermella o enfado, a azul a tristeza... Pola contra, ten unha cor que non se mostra no noso conto, a violeta. Esta, é o sinónimo de diversión e xogo, que axuda ao neno a introducir unha nova emoción que no outro conto non podemos coñecer.
Pareceunos interesante este novo conto pola gran relación co Monstro das cores e porque, o igual que este, ten presente o tema das emocións.


 Amigos

Rodriguez, B. e Hensgen, A. (2015). Amigos. Barcelona: Libros del zorro rojo.


Amigos, non é unha historia cunha trama tan igual o noso conto, mais parécenos interesante enlazala con esta polo reflexo que mostra das emocións. Por outro lado, compre destacar que non conta unha historia escrita se non que, a través de imaxes, observase a historia dun neno (con medo a ir a escola) que se fai amigo dun can.
Podemos observar unha emoción tan complexa como é o medo, algo tan terrible para os nenos como é a soidade ou outras tan fermosa coma a amizade, a protección dun can cara un ser humano ou a fantasía.
Por isto, este é un libro adecuado para os nenos e nenas e que pode axudalos a sentirse identificados coas rutinas deste neno, cos medos a ir pola rúa ou co amor cara os animais.


Madrechillona

Bauer, J. (2001). Madrechillona. Salamanca: Lóguez Editorial.


Este libro non o eliximos pola súa similitude co Monstro das cores en canto a reflexar cores ou emocións similares pero si porque fala dunha emoción moi complexa, algo que hoxe está a orde do día e polo que os nenos e nenas sofren moito. O que nos referimos é o maltrato aos  pequenos por parte dos seus pais, algo que lles produce unha gran tristeza, medo e unha gran dor interior.
Por iso, parécenos un bo libro, para que tanto pais coma nenos aprendan a respectarse uns a outros e a non maltratar a ninguén porque se un neno sofre na infancia vai coller unha tristeza para a toda a vida  e un sufrimento que non merece.
É unha emoción menos frecuente que as reflexadas no noso libro ou nos mencionados anteriormente pero parécenos importante destacala e mostrar os nenos un libro deste tipo. Aínda sendo complexo, é un tema o que deberíamos dar coñecemento nas escolas.


Nacido del corazón

Serrano, B e Serrano, A. (2015). Nacido del corazón. Madrid: Kókinos.


Este coñecido libro publicado no 2015 chamounos especialmente a atención porque axuda aos nenos a comprender a diversidade e respectarse todos sendo diferentes. Ademais, pode axudar aos nenos adoptados a sentirse igual ca os nenos que nacen do ventre de súas nais porque vense reflexados neste conto e observan como isto non é un problema se non unha virtude porque unha nai pode parir a un neno de corazón e non de verdade e querelo igual ou máis.
É un libro cunha boa e novidosa temática porque hoxe en día son moitas as variedades nas familias: unhas teñen so un pai, outras unha nai, outras dúas nais, outras fillos adoptados... Mais todas elas son iguais de boas e marabillosas e esta, é unha historia moi adecuada para levar a aula e coa que, xunto co monstro das cores e outros moitos contos, podemos formar un bo proxecto sobre as emocións e somerxer aos nenos neste mundo tan complexo e difícil de explicar.


Rabietas

Gómez, S. e Aparicio, A. (2014). Rabietas. Takatuka.


Este álbum ilustrado orientase cara o enfado dos nenos cando alguén non fai o que eles queren, todo se volve de cor vermella e non atopan solución para iso polo que montan a chamada “xenreira”. Moitos son os pais que non saben como evitalo ou que chegan a facer o que os nenos queren soamente para que se lles esqueza esa cor vermella e ese gran enfado.
Por iso, esta historia pode ser un referente para moitos nenos que fan estas cousas e que poden verlle a súa parte mala cando escoiten este fermoso conto sobre o tema. Nós, persoalmente escollémolo por ser unha historia que se identifica tanto coa realidade diaria e que, ademais, ten unha conexión co Monstro das cores ao falar das cores das emocións e dar o enfado esa cor vermella que o caracteriza.



 Helio con hache

Gómez, S. e Armand. (2015). Helio con hache. Takatuka.


Helio con hache é unha historia que reflexa a tristeza ou enfado que produce nos nenos e nenas a chegada dun irmán pequeno. Senten que xa ninguén lles fai caso, que o único importante é o novo da familia, que non os queren... Mais este libro é unha boa historia para axudarlles a entender, por medio do humor, que a chegada dun irmán é motivo de felicidade e alegría.
Baixo o noso punto de vista ten unha gran relación co noso libro pola súa mestura de emocións e por axudar a pequena Estrela a entender estes sentimentos tan complexos que sente coa chegada do seu irmán e ordénalos ata chegar a sentirse feliz e coidar de Helio.
É un libro moi adecuado para os nenos e nenas e o seu traballo na aula pola súa similitude coa realidade e con algo tan común na súa vida como son os celos.